انا متزوحة لي سنتين واعاني كثيرا خاصة هذه الفترة..اعتقد ان زوجي نرجسي .. لا يعجبه العجب ولا الصيام في رجب..يكون رومانسي وحنون ويخاف علي في أحيان ويظهر اهتمامه لي ويقول انه يعشقني ويحبني وانه لا يمكن ان يتزوج غيري وإني بغلاة أمه وأغلى شي بحياته ومن هذا القبيل.طبعا كإمراة لازم اتاثر وأثق انه هااشيء صحيح ومن قلبه وخاصة انه يحلف بالله داءما ..واعرف انه يوجد الكثيرون من يحلفون بالله وهم كاذبون لكن ماذا افعل..ولا أنكر انه وقف معي وقف رجال لعدة مواقف ..الذي يجعلني اراه كبير بعيني طبعا ولا يرضى لأحد بأن يهيني او يقرب صوبي ودافع عني كثيرا أيضا عند حدوث مواقف معينة سواء مع ناس معينة او بالشارع.ومن ناحية أخرى يتحول إلى وحش كاسر بدون احساس ويهينني ويرفع صوته عليا ويستهزء بي حتى لو كنا بالشارع امام الناس ولأتفه سبب!! هو بطبعه اساسا انسان عصبي عنده أعصاب عصبي جدا..لكن هذا ليس مبرر يجعله يفعل هذا بي..الي يخليني ازعل واتضايق قبل كل شي انه رفع صوته عليا وقلل من قيمتي امام الناس وهالشي لحاله كافي انو يجرحني ويدمرني..غير الاهانة والمسبات.. وطبعا انا بطبعي انسانة مااقدر اسكت عن الغلط مع اني صبورة كتير واكتم كتير واتحمل بس لازم احيانا أرد عليه لاني بشر وأحس نفس اي شخص لا يتحمل الإهانة والمذلة..للأسف مثل ماهو غلط عليا انا أغلط عليه..وطبعا بشوف هالشي كبير ومو عاجبه وإني مش متربية وانه هو الصح وانا الغلط..وطبعا لمن أرد عليه يبدأ يمد ايده عليا سواء كف او غيره حتى لو كنت بالشارع..طبعا هالشي بيعصبني وبصير اصارخ وأعلي صوتي وبصير مايهمني حد بالشارع خلص بيوصلني لجنون!! بيحكي : أنا (بيلفظ اسمه ) ماحد يتجرأ عليا وأنا ماحد بيقدر يهينني والكلام هادا وشاف نفسه عالجميع وبيقول مين انتي يا حشرة وهالكلام.. هاد كله بيخليني ادخل بموجة من العصبية والبكاء وعدم التصديق بنفس الوقت اللي عم بصير. دايما بنتكلم عن عالمواضيع هاي وبقوله عن اللي سواه وبنصحه وبعطيه درس وبحكيله انو كل اللي سويته ماله داعي وعلى شي تافه.. طبعا بيسمع عالسريع وبيكمل يومه وبحكيلي انشالله حاضر واكيد .. وتعرفي قدي انتي غالية عليا ومعلش انا عصبي شو اسوي.وهالكلام.. يعني بيعطيني إبر وبيصالحني وبعتذر وبيراضيني بورد وماشابه . تحسي انك مو عارفة كيف تتصرفي خاصة انو هو اللي بيعتذر . بتحسي انك بدوامة كبيرة ماتعرفي كيف تقرري او تسوي اتجاهه..عطيته كذا فرصة وقلت له اني عطيته فرص بس ما يهمه.. لانه بيفكر اني رح ارجع معه عادي نفس كل موقف صار قبل ولهلأ .انه واثق من نفسه إني احبه وما بيفرق معه التهديد ومن هالكلام.تحسي انك مدمنة هالعلاقة بس بنفس الوقت ما عم حبه نفس اول وقلت له هالكلام وبرضو بيحكي أنه كلامي مو صحيح وفكري متل ما تفكري ونا مو غاصبك على شي..يعني سوي اللي بدك ياه بس متاكد انك ما رح تسوي شي متل تركه مثلا.. واثق من نفسه جدا.. ممكن لانه كتير صارت مواقف مشابهه وما اتخذت قرار اتجاهه. بالنسبة له هو انسان محبوب وكريم وحنون لدى الجميع وينظرون اليه نظرة حلوة واحترام داءما. حتى البنات للاسف يطالعونه لانه ذو بينة وقوام عموما وشكل وكشخة وما شابه.. هو بطبعه يهتم بنفسه أكثر من غيره. مع هذا عندي غيرة شديدة جدا فوق الطبيعي مابعرف ليش. ممكن لانه كان بعلاقات كثيرة قبلي وانه يحب البنات بشكل عام.. هذا اللي مخليني مو مرتاحة .. مع انه استغنى عن هذه العلاقات والخروجات وطلعات الشباب .. اغلب مشاويره معي او عند اهلي الحمد لله..بس الغيرة موجودة واخاف احيانا يخوني مع ان مشاعري اتغيرت اتجاهه للاسوأ.. ممكن لانه كان ينظر لي على إني اغلى شي بحياته وإني كل شي بحياته غير الكلام الحلو اللي خلاني ادمنه بشكل غير إرادي. هو لسانه للاسف حلو بشكل عام وهو شاعر كمان يعني مصيبة اكبر.. انا عموما تنازلت عن كتير اشيا عشانه حتى اهلي زعلتهم عشانه وكتير اشيا غيرتها عشانه بس للاسف ما بيشوف هالشي انه تضحيه . بشوفه شي عادي وانه ماغصبني على شي تخيلي!! انا دايما جنبه بكل شي وحنونة جدا معه لاني بقدس وبقدر شي اسمه حب متله!! بيقول الشخص بيدون حب ولا شي..عموما القصد اني ما بقصر معه بأي شي دايما اعطيه الكلام الحلو واهتم فيه واخاف عليه واتمتى له الافضل دايما واعمله كل اللي بدو ياه قبل لا يقول . وبعد هذا كله يقلب عليا يصير وحش فجأة على اشيا تافهة ماتسوى ! اكيد رح ازعل واعصب وابكي.. اني ما استاهل منه هالشي..ونا الحمد لله مو ناقصني شي جمال ومثقفة والحمد لله متربية .. بس لازم يقلب عليا بأي شي. ودايما انتقادي وسلبي وبيعجبه شي لا شكلي ولا لبسي ولا ستايلي بيعلق على اتفه شي فيني. صرت اشوف نفسي مو إمرأة قدامه من كثر العيوب اللي حطها فيني ..مع العلم مافي حد شافني وما حكا عني غير الكلام الحلو والمدح سواء من اهلي او غيرهم من الاصدقاء من بنات وشباب.. ونا ادري اني جميلة ومميزة و و و بدون تكبر لكن واثقة من نفسي عالاقل بهالشي.. وفجأة يجي زوجي يطلع فيا مليون عيب وعيب ويقول اريدك ان تكوني افضل واجمل وتلبسي افضل عشان يشوفونك بافضل شكل معي خاصة أمام اهله!! كلمته كذا مرة ان ذوقي يختلف عن ذوقه لكن لا يعجبه ويختار بي هو الملابس اغلب الاحيان حتى لو لا تعجبني اقول له أنها جميلة احيانا فقط لارضيه..واحيانا يقول لي انتي حلوة ومافي منك .. يعني كلام خربطة على خربطة.. عموم شو ما لبست وعملت وسويت دايما احس اني حشرة قدامه وإني مو حلوة وإني مو انثى!! كنت اتمنى يشوفني بطريقة احلى من هيك ويمدحني عالاقل عيوني ووجهي عشان احس اني انثى لرجل يحبها ويعشقها.. قتل فيني هالشي حتى لبسي بالبيت لم اعد اهتم به متل قبل لانه دايما يرى النساء خارجا افضل مني بكل شي خاصة بالملابس و و و ..بالنسبة به كما قلت لكم اهو عصبي بطبعه وعنده الكثير من الضغوط ايضا .. لكن هذا ليس عذرا ليفعل بي كل هذا..عموما تخاصمنا كذا مرة ابتعدت عنه وهو اللي يريد عودتي ويعتذر.. وانا ايضا عندما ابتعد عنه لا تتوقف دموعي من النزول .. لا ادري ماذا بي.. احس إني اصبحت مريضة نفسية بسبب مرضه النفسي .. لا اعرف ماذا افعل.. تعبت نفسيتي وشخصيتي ضعفت عن قبل . صرت اخاف يقلب عليا بأي ثانية وبحاول اعمل له كل شي عشان اكسب رضاه وما يزعل ويعصب.. يعني حتى ضحكتي معه احيانا نفاق عشان ما يزعل ويقول تغيرتي .. لكن الحقيقة إني تغيرت بسببه هو لانه دمر كتير اشيا داخلي ولا يحس فيني ولا يبي يشوفها ..االي يحب فعلا ما يؤذي الشخص الغالي عليه.. هاد اللي مزعلني جدا.. الغريب انه يحب بسوي كل شي معاي وانا ايضا نفس الشي.. لكن مابعرف شو اسوي.